MAJINI WAASI part II

 

MAJINI WAASI part II

Mfalme Suleiman alikuwa Mfalme wa binadamu na Majini yote. Wakati wa enzi yake kuna baadhi ya Majini waliokuwa wakikataa kutii amri zake hivyo alikuwa akiwaadhibu..

Kuna Majini 72 ambao waliasi kabisa na Mfalme Suleiman aliamua kuwafunga kabisa ili wasiwepo kabisa miongoni mwa binadamu. Majini hao aliwakamata na kuwafungia katika Gudulia la Shaba na kuwatumbukiza katika Ziwa.

Karne nyingi baada ya kuondoka Mfalme Suleiman watu wa Babiloni waliokuwa wakitafuta hazina waliliona Gudulia hilo na wakalivunja wakidhani kuna mali hivyo kuwapa uhuru majini hao ambao walirudi katika sehemu zao walizokuwa zamani.

Majina na kazi za Majini hao ni kama ifuatavyo:-

1.     BAAL: Yeye ni Mfalme anayetawala Mashariki ana uwezo wa kukufanya usionekane na kukupa busara. Akikutokea huwa na kichwa cha binadamu, Chura au Paka na wakati mwingine huweza kukutokea kwa sura zote tatu kwa pamoja. Huzungumza kwa sauti nzito kama farasi.

2.     AGARES. Yeye ni Mtawala anaetawala Mashariki, hujitokeza kama mtu Mzee aliyekaa juu ya Mamba akiwa ameshika fimbo kwenye mkono  wake. Yeye anauwezo wakuwafanya wanaokimbia wasimame, kuwarudisha wale waliokimbia, anafundisha lugha zote, anaharibu sifa zote za kidini na husababisha mitetemeko ya ardhi. 

3.     AMON. Yeye ni mwanajeshi mzalendo na mwenye nguvu, hutokea kama mbwa mwitu mwenye kichwa cha nyoka na akitema ndimi za moto na huweza kubadilika katika umbo la binadamu pale anapoamrishwa na mwenye kumwita lakini huwa na meno kama ya mbwa. Ana uwezo wa kutoa habari zilizopita na za baadae, huleta mapenzi na kupatanisha marafiki na maadui.

4.     BARBATOS. Yeye ni Lodi (Lord) na Mtawala, hutokea wakati jua linapokuwa kwenye Nyota ya Mshale na huja  akiwa amezungukwa na wafalme wanne na askari watatu. Ana uwezo wa kutoa ushauri katika masuala yote ya sayansi, hugundua hazina zilizofichwa kwa uchawi au mazingaombwe, anajua yaliyopita na yajayo. Hupatanisha marafiki na wale wenye madaraka.

5.     PAIMON. Yeye ni mfalme mkuu mwenye utiifu kwa LUCIFER, hutokea kama mtu aliyevikwa taji amekaa juu ya ngamia mwenye nundu moja, akiwa amezungukwa na wanamuziki. Anazungumza kwa sauti ya kuunguruma. Anafundisha sanaa, sayansi na siri. Hutoa na kudhibitisha heshima na kuwafanya watu wawe ni wenye kutumika kwa matakwa ya wachawi na hukupa umashuhuri.

6.     BUER. Yeye ni Rais ambaye hutokea wakati jua   linapokuwa kwenye Nyota ya Mshale na hufundisha falsafa, mantiki na maadili ya miti shamba na hutibu magonjwa yote na hukupa umashuhuri.