NGUVU ZA MAWE

NGUVU ZA MAWE

QUARTZ:

Mawe aina ya Quartz ni mawe muhimu sana kwa binaadamu katika   maisha ya kila siku. Mawe haya hutumika kwa kutengenza miwani ya kusomea, Darubini na Vingamuzi

Mwanasayansi ajulikanae kwa jina la Marcel Vogel ambae ni mchunguzi wa mambo ya kisayansi katika kampuni ijulikanayo kama IBM kwa miaka ishirini na saba, na ndiye aliyekua na madaraka ya kutumia madini ya aina ya PHOSPHORS kwa kutengeneza TV za rangi, (Phosphors ni aina ya madini ambayo hutoa mwanga kwa kupata joto), alisema kwamba vituo vyote vya kurushia matangazo hutumia mawe au madini kama njia kuu ya mawasiliano. Kipande cha jiwe la aina ya Quartz (Silicon Dioxide) hukatwa kwa namna maalum na kutegeshwa mpaka kutoa masafa( frequencies) yatakikanayo.

Saa za aina ya Quartz zimepata majina yao kutokana na madini au mawe ya aina ya Quartz. Madini hayo yanatumika kwa sababu ya uhakika wa kuweka muda sawa.

Vile vile Bwana Frank Dorland ambaye jina lake linaheshimika sana katika mambo ya madini, hasa kwa kuyakata katika miundo maalum. Mbeleni alikuwa ni msanii maarufu katika sanaa za kidini na mwenye kuhifadhi vitu vihusianvyo na usanii. Aliazimwa jiwe la aina ya Quartz lilochongwa kwa mfano wa fuvu la mtu maarufu ajulikanae kama Mitchelle Hedges.

Anasema walipokua wakiweka mikono yao juu ya jiwe hilo walihisi kama vile kutekenywa na nguvu au moto wa umeme, waliona vivuli vikitembea ndani yake, walisikia sauti na nyimbo na hata wakati mwingine walihisi harufu ya marashi ya aina ya Apple-Blossom. Hapo ndipo alipoelewa jiwe hilo lilitengenezwa kufanya mazingaumbwe kwa kutumia mwanga.

Katika mwaka wa 1980 Bwana Dael Walker ambae ni mkurugenzi wa Taasisi ya Utambulisho wa Mawe ya Marekani alikodi kibanda katika maonyesho ya Jimbo la New York ya Marekani ili kufanya utafiti kuhusu mawe na nguvu zake za uponyaji.

Kati ya watu 234 ambao walijaribiwa kwa kupunguza maumivu waliyokua nayo  kwa kushika jiwe, 227 katiyao walithibitisha mafanikio makubwa waliyoyapata kwa kupungukiwa na maumivu yaliyokuwa ya kiwasumbua au kuisha kabisa. 

Mawe huingiana na fikra na hisia na vile vile hushirikiana na akili. Huongeza nguvu za fikra na hisia hivyo kupunguza maumivu, kusononeka na vile vile humuwezesha mutu kupona kwa haraka.

MOONSTONE: Ni jiwe lenye rangi nyeupe maji maji, nalo husaidia kujenga hisia na kusisimua mapenzi hasa wanapobadilishana jiwe hilo kati  ya wapenzi wawili, na vile vile hufungua moyo ili kutoa na kupokea mapenzi.

Jiwe hili la Moonstone huongeza uwezo wa kuwatunza na kuwajali watu wengine.

DIAMOND (ALMASI) :

Hili ni jiwe la akili linaloashiria kudumu, lisiloweza kugeuzwa au kushawishiwa na lenye nguvu zisizo onekana.

Diamond ni neno la kitaliani linalomaanisha mpenda Mungu. Na mara nyingine hutumika kuota ndoto na kuwezesha kuona mbali vizuri.Jiwe hili ni sasa, lakini vilevile ni jiwe la siku zijazo.

Kulingana na wanasayansi wa Kigiriki inasemekana Eros Mungu wao wa mapenzi alikuwa akitumia mishale iliyokuwa imewekwa Almasi kwenye ncha zake ili kuwahamasisha watu waingie katika mapenzi baina yao.

Vilevile inasemekana wanaume walikuwa wakinunua almasi tatu katika maisha yao.

Almasi ya kwanza ilikuwa ni ya mke wake wanapofunga ndoa, Almasi ya pili ilikuwa ya mpenzi wake wa nje ya ndoa na ya tatu ilikuwa ya kumpa mke wake pindi anapogundua kuwa ana mpenzi mwingine.